નવસારી જિલ્લા પ્રાથમિક શિક્ષક સંઘના પ્રમુખશ્રી અજુવેન્દ્ર પટેલને જન્મદિવસની હાર્દિક શુભેચ્છાઓ નવસારી જિલ્લા પ્રાથમિક શિક્ષક સંઘના પ્રમુખશ્રી અજુવેન્દ્ર પટેલને જન્મદિવસ નિમિત્તે હાર્દિક શુભેચ્છાઓ અને શુભકામનાઓ. શિક્ષક સમાજના હિતને સર્વોપરી રાખી, શિક્ષકોના પ્રશ્નોને અસરકારક રીતે વાચા આપતા તેમજ સંઘને મજબૂત, સક્રિય અને દિશાદર્શક નેતૃત્વ પૂરું પાડતા આપનું યોગદાન ખરેખર પ્રેરણાદાયક રહ્યું છે. શિક્ષકોના હક્ક, ગૌરવ અને કલ્યાણ માટે આપની સતત કાર્યશીલતા અને નિષ્ઠાપૂર્વકની સેવાભાવનાએ સમગ્ર શિક્ષક સમાજમાં વિશેષ વિશ્વાસ અને સન્માન પ્રાપ્ત કર્યું છે. આપનું દૂરંદેશી નેતૃત્વ, સૌને સાથે લઈને ચાલવાની ભાવના, સંગઠન પ્રત્યેની અડગ પ્રતિબદ્ધતા અને શિક્ષણક્ષેત્રના સર્વાંગી વિકાસ માટેના પ્રયાસો સતત સફળતાના નવા શિખરો સર કરે તેવી શુભેચ્છાઓ. પરમાત્મા આપને ઉત્તમ સ્વાસ્થ્ય, દીર્ઘાયુષ્ય, સુખ-સમૃદ્ધિ અને સમાજસેવાની અવિરત શક્તિ પ્રદાન કરે તેમજ શિક્ષક સમાજના કલ્યાણ માટે આપનું માર્ગદર્શન સતત મળતું રહે તેવી હાર્દિક પ્રાર્થના. 🎉 જન્મદિવસની ખૂબ ખૂબ શુભેચ્છાઓ! 🎂
ખેરગામ રામજી મંદિરમાં આયુષ મેળો યોજાયો, ૩૮૧ લોકોએ લીધો લાભ
ખેરગામ તાલુકાના રામજી મંદિરમાં જિલ્લા પંચાયત સ્વભંડોળ ગ્રાન્ટથી આયુષ મેળાનું આયોજન કરવામાં આવ્યું હતું. જિલ્લા આયુર્વેદ અધિકારી વૈધ કાજલબેન મઢીકરે આયુષ શાખાની કામગીરી વિશે માહિતી આપી. આરોગ્ય સમિતિ ચેરમેન સુમિત્રાબેન ગરાસીયાએ આયુર્વેદ શાખાની કામગીરીને બિરદાવેલી. વૈધ વંદનાબેન પટેલે કેમ્પનું ઉદ્ઘાટન કર્યું. આયુષ મેળામાં તાલુકા પંચાયત સભ્યો, અધિકારીઓ, ગ્રામ પંચાયત સભ્યો અને મોટી સંખ્યામાં ગ્રામજનો ઉપસ્થિત રહ્યા. આયુર્વેદ તથા હોમિયોપેથી પદ્ધતિથી નિદાન, સારવાર અને દવા વિતરણ કરવામાં આવ્યું. આ મેળાનો કુલ ૩૮૧ લાભાર્થીઓએ લાભ લીધો હતો.
આયુષ મેળામાં કારોબારી અધ્યક્ષ સુનિલભાઈ પટેલ, તાલુકા પંચાયત સભ્ય વિભાબેન પટેલ, આરોગ્ય સમિતિ ચેરમેન સુમિત્રાબેન ગરાસીયા, જિલ્લા આયુર્વેદ અધિકારી વૈધ કાજલબેન મઢીકર, આયુર્વેદ મેડિકલ ઓફિસર વૈધ વંદનાબેન પટેલ, તાલુકા હેલ્થ ઓફિસર ડો. પ્રજ્ઞેશભાઈ દેસાઈ, સામાજિક ન્યાય સમિતિ અધ્યક્ષ પૂર્વેશભાઈ ખાંડાવાલા, રામજી મંદિરના ટ્રસ્ટી અરવિંદભાઈ ચૌહાણ, સરપંચ ઝરણાબેન પટેલ, ગ્રામ પંચાયતના સભ્યો તથા મોટી સંખ્યામાં ગ્રામજનો ઉપસ્થિત રહ્યા હતા.
Comments
Post a Comment