ઢોડિયા સમાજની ભવ્ય ક્રિકેટ ટુર્નામેન્ટમાં ખેરગામ લાયન ચેમ્પિયન ચીખલી તાલુકાના કલિયારી ગામ ખાતે આવેલા ક્રિકેટ ગ્રાઉન્ડ પર જય ભવાની મિત્ર મંડળ દ્વારા મકરસંક્રાંતિના પાવન પર્વ નિમિત્તે ઢોડિયા સમાજના ક્રિકેટ મિત્રોને પ્રોત્સાહન આપવાના હેતુથી દર વર્ષની જેમ આ વર્ષે પણ ભવ્ય ટેનિસ ક્રિકેટ ટુર્નામેન્ટનું આયોજન કરવામાં આવ્યું હતું. આ ટુર્નામેન્ટમાં ઢોડિયા સમાજની કુલ 164 ટીમોએ ઉત્સાહપૂર્વક ભાગ લીધો હતો. ટુર્નામેન્ટની અંતિમ ફાઇનલ મેચ ખેરગામ લાયન અને અટગામ ઇલેવન વચ્ચે રમાઈ હતી. જેમાં ખેરગામ લાયન ટીમે પ્રથમ બેટિંગ કરીને 6 ઓવરમાં 84 રનનો લક્ષ્યાંક આપ્યો હતો. તેના જવાબમાં અટગામ ઇલેવન ટીમ 6 ઓવરમાં માત્ર 73 રન બનાવી શકતા ખેરગામ લાયન ટીમ વિજેતા બની હતી. ખેરગામ લાયનની જીત સાથે ગ્રાઉન્ડ પર હાજર સમર્થકો ડીજેના તાલે ઝૂમી ઉલ્લાસપૂર્વક વિજયની ઉજવણી કરી હતી. ચેમ્પિયન બનેલી ખેરગામ લાયન ટીમના તમામ ખેલાડીઓને ખેરગામ વાસીઓ તથા ક્રિકેટ રસિકોએ અભિનંદન પાઠવ્યા હતા. નોંધનીય છે કે છેલ્લા પાંચ વર્ષમાં યોજાયેલી ઢોડિયા સમાજની ક્રિકેટ ટુર્નામેન્ટમાં ખેરગામ લાયન ટીમે ચાર વખત ફાઇનલ જીતી નોંધપાત્ર સિદ્ધિ હાંસલ કરી છે.
ખેરગામ તાલુકાના એથ્લેટીકસ ખેલાડીઓએ 42 મી ગુજરાત સ્ટેટ માસ્ટર એથ્લેટીકસ ચેમ્પિયન્સમાં ગોલ્ડ મેડલ મેળવ્યા.
ખેરગામ તાલુકાના એથ્લેટીકસ ખેલાડીઓએ 42 મી ગુજરાત સ્ટેટ માસ્ટર એથ્લેટીકસ ચેમ્પિયન્સમાં ગોલ્ડ મેડલ મેળવ્યા.
તારીખ : 16/17/12/2023 ના રોજ વડોદરા માંજલપોર સ્પોર્ટ્સ કોમ્પ્લેક્સ ખાતે યોજાયેલી 42 મી ગુજરાત સ્ટેટ માસ્ટર એથ્લેટીકસ ચેમ્પિયન્સમાં ત્રણ મિત્રોએ ભાગ લીધો હતો. જેમાં બહેજ પ્રા. શાળાના ઉપશિક્ષક શ્રી પ્રવિણભાઈ પટેલ નાધઈ વાળી ફળિયાના નિવૃત્ત ST કર્મચારી શ્રી બાબુભાઈ એસ પટેલ તથા ખેરગામ કુમારશાળાના નિવૃત્ત શિક્ષક શ્રી મણિલાલભાઈ લલ્લુભાઈ પટેલે ભાગ લીધો હતો.
જેમાં પ્રવિણભાઈ પટેલે 400 મી. દોડ 800 તથા લાંબીકૂદની સ્પર્ધામાં પ્રથમ નંબર મેળવી ત્રણ ગોલ્ડ મેડલ મેળવ્યા હતા તથા બાબુભાઈ પટેલે 400 મી. દોડ તથા 800મી દોડની સ્પર્ધામાં પ્રથમ નંબર મેળવી બે ગોલ્ડ મેડલ તથા લાબીકૂદમા 3 નંબરે વિજેતા બની બોન્ઝ મેળવ્યા હતા.
મણિલાલ ભાઈ પટેલે પણ ઉત્કૃષ્ટ પ્રદર્શન કરી ત્રણે રમતમાં ચોથો નંબર મેળવ્યો હતો. આમ ત્રણે ખેલાડીઓએ ખૂબ જ સુંદર દેખાવ કરી ગામ તથા તાલુકાનું નામ રોશન કર્યું હતું.
હવે ફેબ્રુઆરી મહિનામાં નેશનલ લેવલે રમવા પૂના જશે.
Comments
Post a Comment